|
|
|
بروتون جين 2 2013 هتنزل امتا و فين |
|
محمد |
11-10-2012 11:06 |
|
|
إلى سامر |
|
أخي سامر لاأريد أن أتأكد من صفحة سيراتو فهذه السيارة تختلف مواصفاتها وأسعارها من وكالة لأخرى حسب منشأها فيوجد بضاعة خليجي و أوروبي وسوري وغيرها وأؤكد لك أن قريبي حصل عليها جديدة العام الماضي بمبلغ 935000 والمواصفات كالتالي
علبة سرعة عادي فرش قماش تحكم كهربائي بالنوافذ والمرايا - مسجل MP3 مع تحكم على المقود - منافذ طاقة و USB و Aux -قفل مركزي مع تحكم عن بعد - جنط كروم 16 و ABS و 2 Airbag وحساسات خلفية للمسافة مع شاشة للمعلومات وحاملات أكواب للأمام والخلف.
أرجو من فنات النشر |
|
فارس |
21-07-2011 23:26 |
|
|
الى فراس |
|
اللي داعم الكيا والهيونداي ان مو بس الوكالة عم تستورد سيارات لاتنسى ان عندك اكتر من 10 تجار بيستوردوا سيارات بمواصفات مختلفة وهذا عامل مساعد لانتشار السيارات وتزايد محلات القطع ... الافانتي الجديدة عند فنات نزلت فل اوبشن اما اللي بوكالة زينة نزلت بدون abs ... باالنهاية انا مهندس ومالي علاقة بالوكالة وانا لاني مبسوط ومرتاح بسياراتي الواجا والجين2 بنصح بالبروتون وبدافع عنها كشركة محترمة مو كوكالة ... وانا ماقلت الوكالة سيئة لان ماحدا ازعجني وماشفت معاملة سيئة او قلة احترام ..شكرا على الحوار تحياتي |
|
م.سامر |
18-07-2011 21:21 |
|
|
الى فراس |
|
لاتنسى انك مارح تحتاج قطع كل يوم او حتى كل شهر .. سيارتي الواجا من يوم ما اشتريتها مافاتت تصليح شو رايك ؟؟!! والمحلات مالها قليلة ومالها متحكمة باسعار القطع لان ببساطة الاسعار رخيصة وفيك تروح وتسال ...بالنسبة للحجم مافيك تقول السيارة بحجم الريو منطقيا الجين2 قاعدة عجلاتها بطول 2600 مم اما الريو قاعدة عجلاتها بطول 2500 مم ... وانا مابلاقي فرق كبير بين الجين2 والواجا كحجم داخلي .. وبالنسبة لثبات السيراتو والافانتي هذا امر معروف وشائع ان السيارتين ثباتهم سيء اما البروتون من قال ثباتها سيء ؟؟ |
|
م.سامر |
18-07-2011 21:08 |
|
|
الى فراس |
|
للاسف الوكالة مابتجيب مواصفات كاملة وهي سياسة تسويق...المصمم الالماني بيتر شراير غني عن التعريف وهو مصمم من خريجي كلية "الفنون" الملكية الانكليزية عام 1980 وهو شخص واحد اما بروتون تملك شركة كاملة من موظفين ومصممين ومهندسين وخبراء ...محرك البروتون في سوريا 110 حصان للعادي وللاوتوماتيك ومحرك الكاملة اللي مابتنزل عنا 125 حصان ...والسيراتو الفاضية مافيها abs ولا ebd وفيها بالون واحد بس ومافيها جهاز انذار ولا حساسات ولا تحكم عالمقود ولا جنط كروم وممكن تتاكد وتراجع معلوماتك بصفحة السيراتو |
|
م.سامر |
18-07-2011 20:54 |
|
|
تقسيط بسعر النقدي |
|
من شهر كنت بدي أشتري سيارة عرضوا علي بوكالة البروتون Gen2 تقسيط لمدة سنه بسعر النقدي مع دفعة أولى تقريباً 650,000 (قد مصرياتي)، وكان سعر الأوتوماتيك الفول أوبشن 890,000.... |
|
طلال |
18-07-2011 10:53 |
|
|
إلى سامر |
|
وارجو ايها الأخ سامر أن لايكون سبب دفاعك عن شركة حبال وبضاعته في كل صفحات الموقع هو عملك لصالح هذه الشركة فنحن هنا للننصح وليس لكسب المال مع احترامي لرأيك وشكرا على الحوار وفي ختام هذا الموضوع أتمنى الأفضل للجميع |
|
فارس |
18-07-2011 00:31 |
|
|
إلى سامر |
|
هذه المواصفات صارت قياسية أما عن موضوع القطع فأنا لست مضطر للذهاب لحوش بلاس وسافر من بلد لبلد ان كنت بمحافظة تانية لأبحث على محل أو محلين متحكمين بالقطع وبالسعر في حين أن قطع هيونداي جديد ومستعمل وببلاش ووين ماكان وقريبا يمكن عند البقال وبالنسبة لعامل الجمال فصحيح أنه أذواق ولكن الجمال الكبير لايختلف عليه اثنان وارى أنك لم تتطرق للحجم وهو أن بروتون ضيقة وصغيرة وغير مريجة وبحجم ريو مقارنة بأفانتي أما عن الثبات فالشركة توفر خيارين إما جهاز تعليق مريح كافانتي أو أثبت كسيراتو على حساب الراحة |
|
فارس |
18-07-2011 00:24 |
|
|
إلى سامر |
|
الأخ سامر أنت اعترفت بلسانك وقلت أن الوكالة لاتجلب إلا سيارات بمواصفات سيئة وهذا دليل على سوء هذه الوكالة وحرصها على الربح السريع فقط
أما عن موضوع أن محرك الجين2 وعلبة السرعة أفضل من سيراتو بحجة أنه من نصميم انكليزي فأرجو أن لاتنسى أن مصمم فورتي هو مصمم أودي وفولكس فاغن الألماني بيتر شراير وأن محرك سيراتو 125 حصان ومحرك بروتون 105 حصان للأوتوماتيك و 110 للعادي أما عن السعر فكل المواصفات الي ذكرتها من أكياس وجنط واي بي اس وديسكات ومسجل سي دي تحكم عالمقود وحساسات وريموت موجودة في فورتي الفاضية |
|
فارس |
18-07-2011 00:12 |
|
|
تتمة |
|
سيارتي اوتوماتيك عم تعمل معي بالبلد 190 وبالسفر 280 مع مكيف ودعستي عادية يعني مابزركها الا عند الضرورة .. اما اذا كانت غير عادي على دعسة عادية ممكن تعمل 210 ... وهذا بشكل عام مصروف طبيعي لاي سيارة 1600 سي سي بالبلد ... انا مابنصحك بالمستعمل برايي انك تحط فوق مصرياتك 350 الف وتاخد جين2 جديدة صدقني احسن بكتير لان اي سيارة مستعملة مافيك تضمنها واذا صعب عليك تدفع كاش فيك تاخد بالتقسيط .. من فترة كان في عرض من الوكالة بتدفع دفعة اولى حسب قدرتك وبتقسط الباقي على 5 سنين بدون فوائد .. بالتوفيق |
|
م.سامر |
13-07-2011 16:20 |
|
|
الى سوسو |
|
للاسف مافي حواليي جين2 غير عادي .. بشكل عام من سنة 2006 دفعة الجير العادي كانت تجي اقل من الاوتوماتيك حتى دفعة ال 2010 الكاملة كانت كلها اوتوماتيك والفاضية في منها جير عادي بتذكر كان سعرها 815000 ... المهم السيارة رح تعجبك وصدقني مارح تندم ابدا على اختيارك واتطمن السيارة متينة وثابتة وقطعها بحوش بلاس متوفرة وكتير رخيصة والسيارة بشكل عام انعرفت وتصليحها صار سهل من كل النواحي وتعامل الوكالة مع الوقت عم يتحسن بس مالو سيء ودائما بعد الصيانة بيتصلوا فيك ليعرفو حالة السيارة ورايك بالخدمة |
|
م.سامر |
13-07-2011 16:10 |
|
|
تتمة |
|
انا جربت الافانتي لمدة اسبوع ( كنت مقرر اشتري وحدة قبل ما اشتري الجين2 ) وكانت جديدة ماشية 15000 كم بصراحة السيارة حلوة وماعليها حكي خصوصا الكاملة بس مشكلتها بالثبات خاصة بعد ال 120 حسيتها بتحوص وانا طريقي غالبا سفر ولهذا السبب ما اشتريتها ووقت سالت اصحابي من ملاكها كان الجواب ان كل الافانتي هيك حتى السيراتو فورتي نفس المشكلة ومع هيك مابحقلي احكم عليها بما اني ماجربتها فترة طويلة ... |
|
م.سامر |
13-07-2011 15:59 |
|
|
تتمة |
|
بروتون بسوريا ماعم تنزل كاملة هذا سبب مشكلة جودة المواد وهذا خطا من الوكيل وعلى موقع بروتون موجودة صور الجين2 الكاملة والاهم ان فرش الابواب والتابلوه والكراسي جلد طبيعي حتى اذا بتقارن افانتي كاملة مع الفاضية رح تحس بفرق جودة المواد .. بالنسبة للسعر الجين2 كاملة سعرها 925000 اما سيراتو كاملة سعرها 1200000 فرق 275000 مو قليل حتى اذا قصدك سيراتو فاضية سعرها 935000 رح تميل كفة المقارنة للبروتون ( abs ebd و4 ديسكات - جنط كروم - مسجلة mp3 - تحكم عالمقود - 2 ايرباغ - جهاز انذار ومانع سرقة - حساسات ) |
|
م.سامر |
13-07-2011 15:54 |
|
|
الى الاخ فارس |
|
اخ فارس .. بالنسبة لجودة المواد الداخلية اكيد الجين2 مابتتقارن بالافانتي او السيراتو اما من جهة المحرك وعلبة السرعة والثبات ( وهي العوامل الاهم ) طبعا الجين2 احسن بكتير لاتنسى ان المحرك وعلبة السرعة ونظام التعليق من تصميم وهندسة لوتس الانكليزية ووين لتوصل كيا وهيونداي لمستوى لوتس المملوكة لبروتون اما بالنسبة للتصميم فهو اذواق ولولا الاذواق لبارت السلع وبالنسبة للقطع نزيل على حوش بلاس على محل اسمو الشعار وسال عن توفر قطع بروتون واسعارها بشكل عام وقتها رح تختلف وجهة نظرك بموضوع قطع الغيار |
|
م.سامر |
13-07-2011 15:40 |
|
|
الله يخليلنا ياكون |
|
شكرا لكل الشباب اللي شاركو برأيون , فارس و سامر و رامي و نضال و شادي طبعا مع حفظ الالقاب للجميع , انا بصراحة بالنسبة لمصرياتي اللي ما بيتجاوزو 550,000 ملاقيها خيار حلو كسيارة مستعملة , بس خايف من مصروفها على العلم انا مو انصار الاوتوماتيك يعني عم دور على عادي و اللي حوليه وحدة غيار عادي ماشية اقل من 50,000 يا ريت يخبرني و الكون الشكر |
|
سوسو |
13-07-2011 01:25 |
|
|
النصيحة كانت بجمل |
|
أخي سامر مع احترامي لرايك وتجربتك الطويلة ومع احترامي الشديد لشركة بروتون الناشئة والتي أثبتت جداراتها في وقت قصير جدا في تصاميمها ومنتجاتها وخاصة جين2 إلا أنها لم ترتقي بعد لشركة هيونداي
فإذا وجد الماء بطل التيمم فجين2 لاتقارن بسيراتو و افانتي لا بالجمال ولا بالحجم ولا بالقوة ولا بتوفير الوقود ولا بجودة المواد ولا بتوفر القطع وأسعارها ولا بالصيانة وتعامل الوكالة ولا بالبيع والشراء مع العلم أن السعر تقريبا نفسه
فأين الثرى من الثريا أنصحك بتجربة سيراتو وأفانتي
أنا أملك أفانتي وأخي يملك جين2 |
|
فارس |
12-07-2011 15:47 |
|
|
الراي المسموع هو الراي المنطقي |
|
اخ فراس طبعا لكلشي سلبيات وايجابيات والمفروض الراي الاخر ينسمع وقت يكون "منطقي وعن تجربة طويلة " وانا مالي مضطر اسال الدنيا كلها لشوف الجواب "خبرتي وتجربتي مع البروتون 7 سنين " واللي حابب يحكي عن تجربته ورايه الشخصي المفروض يحكي حكي منطقي عن تجربة حقيقية طويلة مو تجربة قيادة قصيرة ... واللي بقول ماركة غير معروفة ومالها قطع او بتخسر اكتر من نصف سعرها باعادة البيع ومافي حدا بيشتريها مع احترامي له رايه لا يمت للمنطقية بصلة... وطالما حضرتك عم تنصح عن تجربة ليش ماحكيت بالتفصيل عن تجربتك؟؟ |
|
م.سامر |
12-07-2011 01:34 |
|
|
الي مابدو يسمع الناس مابيسأل الناس |
|
يعني إذا مابدو يسمع لرأي الناس متل ماعم يقول الأخ سامر فليش داخل وحاطط سؤال للناس وبعدين واذا انتي عندك هالسيارة ليش نحنا مامجربينها يعني؟
كل سيارة بالعالم فيها مساوئ وفيها محاسن ونحن بينالو المحاسن والمساوئ ونصحناه عن تجربة مو أكل هوا من دون تجريب أو معرفة
السيارة جيدة بس شو جابها لسيراتو السيارة صغيرة مع العلم انو نفس السعر روح سآل الدنيا كلها وشوف الجواب |
|
فارس |
11-07-2011 12:08 |
|
|
تتمة |
|
ثبات بروتون ممتاز عالسرعات العالية وعالكواع لان نظام تعليق بروتون من تصميم شركة لوتس الانكليزية اللي بتملكها شركة بروتون ...
الجين2 بعمرها ماطلع فيها مشكلة بالمحرك او علبة السرعة..
وبخصوص الجودة فتحوا موقع بروتون وشوفوا الجين2 بمحرك الكامبرو cbs 125hp ومواصفات كاملة فرش المقاعد والابواب والتابلوه جلد ومثبت سرعة وغيرها كتير .... مشكلة الوكيل ان بيستورد الفاضية بمحرك الكامبرو iafm 110hp ..... وقت يستورد الكاملة بالمحرك الجديد رح يتغير راي الكل بشركة بروتون ... تحياتي للجميع |
|
م.سامر |
09-07-2011 17:52 |
|
|
تتمة |
|
حاليا معاملة الوكالة مع الزبائن احسن بكتير من قبل ال 2009 حاليا صارت الصيانة بموعد مسبق وبعد الصيانة بيومين بيتصلوا فيك ليسالوك عن رايك بجودة الخدمة وحالة السيارة وملاحظاتك , بالنسبة للبيع بروتون ماعادت تخسر متل قبل وممكن تقيم سعر اي سيارة بروتون مستعملة من خلال خدمة الكتاب الازرق الالكتروني من فنات رح تلاقي ان الجين2 كاملة موديل 2009 ماشي 40الف كم سعرها 709000 وهالسعر كتير ممتاز بالنسبة لسيارة سعرها جديدة 925000 ..بالمناسبة سيارات بروتون بشكل عام كثبات ونظام تعليق احسن من الكيا والهيونداي يتبع |
|
م.سامر |
09-07-2011 17:40 |
|
|
عن تجربة بنصحك اشتريها |
|
نصيحة وعن تجربة اشتريها ولاتتردد ولاتسمع لكلام الناس انا عندي واجا 2004 وجين2 2010 بالمناسبة الجين2 بين 2006 و 2008 كان فيها مشاكل وسوء بالمواد الداخلية اما حاليا نزللها فيس ليفت وكل هالمشاكل اختفت واللي عم يقول مالها قطع ينزل على حوش بلاس ويشوف كام محل مختص بالبروتون وحتى بتلاقي عندو قصات! الستوب الخلفي تبعها سعرو 1500 ليرة .. بالنسبة للمصروف سيارتي اتوماتيك عم تعمل معي 190 مع مكيف بالمدينة و 280 عالسفر تقريبا .. وبالنسبة للوكالة مع الوقت عم تتطور بس مو سيئة انا بروح عالوكالة من 7 سنين... |
|
م.سامر |
09-07-2011 17:30 |
|
|
شو بدك ببروتون |
|
أخي شو بدك بهيك أسماء وماركات مغمورة وغير معروفة , اشتري سيارة معروفة بين الناس بأدائها ومصروفها ووكيلها واسعار قطع الغيار ووو ...الخ , لا تورط حالك بشي مو معروف والناس مو مجربتوا , بعدين خود سيارة بياعه بالمستقبل , البروتون ازا بدك تبيعا ما رح تلائي حدا يشتريا منك و لا بنص السعر . |
|
رامي |
09-07-2011 10:35 |
|
|
جيدة ولكن الكوري أفضل وقطعه متوفرة |
|
سآل مجرب ولاتسأل حكيم
لطالما أعجبت بهذه السيارة ولكني إشتريت افانتي بعدما جربت الإثنتين
السيارة جميلة وخاصة من الخارج,قوية ونشيطة,تمتلك حجم ريو ومحرك افانتي فهي افضل من ريو ولكن فيها 3 عيوب
مصروفها أكبر من الكوري يعني أوتوماتيك بالبلد 160
وكالتها سيئة جدا والقطع حصرية وأسعارها مماثلة للكوري
جودة المواد المستخدمة في الداخل رخيصة لاترقى للكوري
أنصحك بشراء الكاملة لمافيها من مواصفات وأنظمة وزيادة بسيطة بالسعر
إن إستطعت فإن أكسنت الجديدة وسيراتو وافانتي خيار أفضل حتى لومستعمل أو أقل مواصفات |
|
نضال |
08-07-2011 20:26 |
|
|
مجرب. |
|
بالنسبة لـ جين 2 ..
بصراحة السياراة حلوة وقيادتها ممتعة . وبتحسسك بالعزم ..
بس من ناحية الجودة مافي جودة وخاصة بفرش الابواب ..
اما المصروف سيارة مصروفها كبير يعني تقريبا كانت تعمل معي ..
حوالي ((190)),, بس بصراحة انا حبيتها للسيارة ..
نصيحة قبل الشراء . استأجر. وجربها ,,
وان شاء الله موفقك فيها ..
تحياتي .. |
|
shadi |
08-07-2011 03:30 |
|