|
مقارنة |
|
ازا انت عندك 10000 ليرة او 15000 ليرة سوريية متل ال 10000 ريال او درهم او دينار هاد حكي تاني طبعا والراتبين لموظفي حكومة
|
|
ليش عم تقارن
|
12-02-2012 16:43
|
|
|
heikmat@hotmail.com |
|
حبيب كانك نسيت الرفاهية او ببلاش الرفاهية
|
|
حكمت
|
27-12-2011 22:21
|
|
|
الى محمودي (المزنكل) العزيز , |
|
اي اخي محمود . شلووونك ,
حضرتك ذكرت جملة الغالبية العظمى من الشعب يملك سيارات ؟
انا والدي عندو نيسان صني 83 اشترها من شي تقريبا 19 سنة ,
بمليون ليرة تقريبا , وهلأ لعلمك صار حقها زبالة العفوا من الكرام ,,
يعني شي 200 250 ,الف. على ما اعتقد .والسيارة من الـ 83 .
حاجتها يعني , 19 سنة . فهمني كيف بدو يبدل سيارته بهل الايام وهي متل ماقلت اذا كان الغالبية يملك سيارات . ؟!!
|
|
SHADI.SY
|
19-10-2011 03:48
|
|
|
تعليق بسيط . |
|
انتة كاتب عنوان الرد .
(ردي فقط عن ما قرأته من شكاوي المتعلقة بأسعار السيارات).
لازم انتة تكتب (ردي فقط عن ماشاهدته وسمعت بالمجتمع السوري من ضيق غلاء السيارات وما سمعته وحفطته من افواه الناس ولما قرأته بالمواقع الالكترونية و اشتكا منه الكثير من زوار موقع فنات المتعلقة بأسعار السيارات)..
لانو موضوع اسعار سوق السيارات بالبلد مافي حدا ينكره والسبب يلي بررته.فيني احكيلك عكسه بالمختصر , دفاع وخود ودفاع بنفس الوقت. هي هية قصة البلد ويلي عم يتاجر باهل البلد .
|
|
SHADI.SY
|
19-10-2011 03:39
|
|
|
تحليل بسيط |
|
اذا قلنا راتبي 10000 ليرة , بالشهر , ياسيدي راح ايم راتبي كله بدون ما اصرف شي , 10000 ضرب 12 شهر , 120 الف بالسنة . 4سنين ؟ 480 الف . هي شو 480الف حق سيارة ماشي حالها درويشة ., بكون صار عمري 25 سنة .
ولسا في زواج وهم وولاد و و . و . وهي لسا مااشتغلت شغل مستقل ولا لسا عملت شي , وهي السيارة حق ومو تعد تئلي رفاهية ومدري شو
|
|
SHADI.SY
|
18-10-2011 03:34
|
|
|
كيف بدي حقق حلمي واشتري سيارة |
|
اهلين اخ محمود باينتك شي مزنكل حتى عم تحكي من عين واسعة .
يااخ محموود انا شب عمري 21 سنة ,لا معي شهادات ولا هم يحزنون ,
تركت الدراسة من بكير للحاجة , واشتغلت بين هالناس , وراتبي 10000 ليرة ,بالشهر , بئا ياحزرك كيف الواحد بدو يشتري سيارة ؟؟ وهي لسا ماتزوجت ولا انضربت على آمتي , هات لشوف هي حزيرة بتحداك تجاوبني عليها , بمنطق صحيح ؟! (غير السرقة ؟!شو .!!!!
|
|
SHADI.SY
|
18-10-2011 03:29
|
|
|
الى محمود باشا 3 |
|
أما بخصوص فرق الأسعار بين دول الخليج و هنا فمن الغلط المقارنة لأن المصنع عندما يبيع سيارات للامارات مثلا التي تشتري منه سنويا 50000 سيارة سوف لن يبيعها بنفس سعر البيع لوكيل سوريا الذي يشتري 20000 مثلا فهناك فرق في اسعار المصنع, لذلك ترى ان هناك تجار سوريين يشترون سيارات من المصنع بالجملة عن طريق وكيلها بالخليج حيث يأخذ عمولة عن كل سيارة و يصدرونها الى سوريا حيث تكون تكلفتها أقل من تكلفة الوكيل, أما بخصوص سعر الفيرنا اليوم في الخليج فهو 12100 دولار, و كرمال الله عليت قلبي ما بقى بدي احكي,,
|
|
الدومري
|
11-10-2011 11:33
|
|
|
الى محمود باشا 2 |
|
أما بخصوص أسعار الجمارك فيوجد تسعيرة جمركية لكل انواع السيارات المستوردة الى سورية تحتسب القيمة الجمركية على أساس هذه التسعيرة الا اذا كانت فاتورة الشراء أعلى من التسعيرة الجمركية و بالتالي تحتسب نسبة الجمارك و الرسوم على اساس الفاتورة الحقيقية, يعني مثلا الفيرنا لو افترضنا أن التاجر اشتراها ب 500000 و ان تسعيرتها الجمركية 250000 فتكون جماركها و رسومها تقريبا حوالي 240000 محسوبة على اساس التسعيرة الجمركية اما لو كان قد صرح بالسعر الحقيقي فستكون الرسوم 480000 و ستضاف الى سعر السيارةو تكون اغلى
|
|
الدومري
|
11-10-2011 11:26
|
|
|
الى محمود باشا 1 |
|
حبيبي نحنا يمكن طلعنا كتير عن الموضوع, بالاساس كنا عم نناقش انه حضرتك عم تدافع عن الضرائب الكبيرة اللي حاطيتها الدولة و شو الغاية و الفائدة منها و أنا عم قللك انه مو بهالطريقة الدولة بتعمل مشاريع, في عندها بخاويش كتيرة عم تستنزف خزينة الدولة بسبب الفساد و انه التاجر مهما كان عم يربح ما بيوصل لمستوى الضرائب و الجمارك اللي فارضتها الدولة على تجارة السيارات من جمارك عالية و من رسوم تسجيل ما أنزل الله بها من سلطان يعني هي بكل دول العالم مو موجودة رسم التسجيل اللي بيوصل لسعر سيارة بحد ذاته
|
|
الدومري
|
11-10-2011 11:19
|
|
|
ياريت توضحلي كيف ظبطت معك |
|
كيف طلع معك انو التاجر بيشتري الفيرنا او الريو مثلا ب10 الاف دولار ويصرح أنه اشتراها ب 5 ألاف دولار (250 ألف سوري) ليتهرب من الجمارك طيب سعر الفيرنا أو الريو بالخليج يتراوح مابين 8 الى 10 الاف دولار يعني هذا حسب كلامك ونظريتك أن التاجر في الخليج لايربح دولار واحد أو يبيع بخساره اذا كان يشتريها ب 10 ألاف دولار حسب كلامك
|
|
محمود 1
|
11-10-2011 03:12
|
|
|
اي لا لهون وبس |
|
السيد الدومري انا أكتر شيء بكرهو بالحياة هو الفساد وخاصتن الفساد في دوائر الدوله.سيد دومري لاتغطي الحقائق أنت تقول ان التاجر يخفي سعر السياره الحقيقي للتهرب من الجمارك وهذا بحد ذاتو فساد والتجار يمارسون الفساد مثلهم مثل الفاسدين في الدوله وساعطيك مثال صغير جدا عن فسادهم في قطاع السيارات عندما يستوردون السيارات يقومون بفك المسجلة من كل سياره قبل دخولها الى المناطق الحره لجمركتها وبهذه الحركه يوفر بكل سياره 25 ألف ليره أنا اعترف أن هناك ثغرات في قانون الجمارك ولكن بالنهايه هذا فساد يمارسه التاجر
|
|
محمود
|
11-10-2011 02:54
|
|
|
الى محمود بيك 3 |
|
بس بغض النظر ما شفتك انك تطرقت لموضوع الفساد و الرشاوي أبدا!!! في حال كنت متحمس لتمويل الدولة لمشاريعها, انا ما عم اكشف مستور الدولة, هيدا وطننا, عم اكشف مستور الحرامية اللي ما ذكرتهم بردك عليي و عم ساعدك لتروح تعمل قبضاي عليهم و تطالبهم يوقفو سرقات و محسوبية,, و لا هدول ما بتقدر تكتب عنهم!!؟؟ انا ما عم دافع عن اي جهة بس كمان الواحد مو يغمض عينه عن الغلط الكبير اللي ما بيجرؤ او ما بيحب يحكي عنهم لسبب ما و يورجينا انه نحنا عايشين بجنة مانا حاسين فيها,, نقطة انتهى.
|
|
الدومري
|
10-10-2011 12:54
|
|
|
الى محمود بيك 2 |
|
بالنسبة الى نسبة الربح هي تحتسب من تكلفة السيارة بعد احتساب ثمنها و نقلها و تجهيزها ميكانيكيا لأنها تحتاج ما يسمى PDI بعد وصولها و اضافة رسوم الكفالة و هذا لم نحسب توزيع تكاليف اجور المعرض و الرواتب , و نسبة الارباح اللي ذكرتها صحيحة كما ذكرت انها بشكل عام للسيارات الكورية و مثيلاتها و التي تعتبر حصتها بالسوق اكثر من 75% اما السيارات الفاخرة فتزيد نسبة الأرباح من 15% الى 20% لذلك تكون المبالغ كبيرة نسبة لسعر السيارة و حصتها السوقية لا تتجاوز 5% فلا تأثير لها
|
|
الدومري
|
10-10-2011 12:45
|
|
|
الى محمود بيك 1 |
|
حبيبي, أول شي أنا ماني تاجر بس مطلع على الحسابات و امور الاستيراد, تانيا يا ريت تراجع معلوماتك بخصوص التعرفة الجمركية , السعر اللي ذكرته حضرتك هيدا بيسموه السعر الجمركي و هو السعر اللي على أساسه بتتجمرك السيارات مو معناه انه التاجر شاريها ب 250000 السعر الحقيقي هون هو اللي بيخفيه التاجر منشان ما يدفع جمارك أكتر لأن السيارات بهيك فئة سعرها الحقيقي حوالي 10000 دولار حسب المصدر اقل او اكتر و حسب النوع و اذا صرح التاجر بهالاسعار رح تزيد الجمارك عليه و بالتالي تزيد الأسعار على المواطن و يوقف الشغل
|
|
الدومري
|
10-10-2011 12:37
|
|
|
اذا بتحب نكشف المستور انا جاهز كمان |
|
ياسيد دومري ويمكن حضرتك تكون تاجر سيارات وحابب تغطي أرباح تجارتكن الهائله اذا بتحب نكشف المستور بتجارتكن والاعيبكن الدنيئه التي تقومون بها لزيادة هامش الربح عندكم قدر المستطاع بحب ألك كل هذه الاعمال التي تقومون بها اعرفها جيدا تمام المعرفه لاني عملت منذ ثلاث سنوات بشركة استيراد سيارات وكنت ارى كل هذه الاشياء بأم عيني ( أرجو النشر )
|
|
محمود 1
|
09-10-2011 02:41
|
|
|
الى السيد الدومري ياريت لاتغطي ارباح التجار الهائله |
|
كلامك الذي تقول فيه ان ربح التاجر لايتجاوز 10 الى 15 % بحب الك هاد الكلام غير صحيح وبتحداك عليه كمان, لاني اشتريت سياره هيونداي فيرنا اتوماتيك ب 745 ألف ولما اشتريتها عطاني وراقا كلن مصرح بالاوراق أنو شاريها ب 250 الف والدوله أخده مابين جمارك ورسم 240 ألف أما الباقي من ثمن السياره فهو كله ربح التاجر الذي بلغ 255 الف من 745 ألف الثمن الكامل يعني حوالي 35 % من ثمن السياره لذلك ياريت لاتغطي أرباح التجار اللامعقوله ابدا والامنطقيه أبدا
|
|
محمود
|
09-10-2011 02:29
|
|
|
رد 3 |
|
عندما يحاصصك المسؤول في دكانك فهذه سرقة من اموال الشعب, عندما يفاوض المسؤول على أن مبلغ 5 ملايين دولار "لا يوفي معاه" لارساء المناقصة على أحد الأشخاص فان ذلك سرقة من أموال الشعب, عندما يفرض أحد المتنفذين ارساء مناقصة على شركته فان ذلك سرقة من أموال الشعب من فروق مبالغ المناقصات ,, بامكان دولتك الحكيمة يا سيد محمود أن تعمل أضعاف المشاريع فقط بالاصلاح و منع السرقة
|
|
الدومري
|
08-10-2011 10:17
|
|
|
رد 2 |
|
السيارات ما عادت وسيلة رفاهية حتى انه صار في بعض الدول الفهمانة عم تعمل دعم لشراء السيارات.
ثانيا, بخصوص المشاريع و المنجزات اللي بتضل الدولة تمننا فيها و كأنها مو واجبها تساويها ,, يا ريت لو كانت انتبهت شوي لموضوع الفساد اللي استشرى بالبلد و كانت جمعت أضعاف المبالغ فقط من فروق المناقصات و الرشاوي و تسهيل المعاملات من تحت الطاولة و التي كلها تذهب من مال الدولة و مال المواطن, عندما تشرع سرقة المازوت بقرار رسمي و بااليات الدولة لصالح أشخاص معينين لتجميعها في بواتق للتهريب هذا سيرفع سعر المحروقات
|
|
الدومري
|
08-10-2011 09:47
|
|
|
|
|
أخي محمود, هلأ بخصوص انه الوكلاء بيربحو 35% فواضح جدا انه حضرتك مو عارف,, معظم السيارت بالسوق ربحها من 10% الى 15% أما السيارات الكورية فينخفض هامش ربحها الى أقل من ذلك و عم احكي و أنا بمجال السيارات بعرف,, أما بخصوص انه الدولة عم تزيد الرسوم منشان تساوي مشاريع,, بشرفي انك ضحكتني,, يعني من هالمنطق ما عندك مانع تصير الضريبة بالملايين منشان تزيد خزينة الدولة و تعمل مشاريع ,, أولا هيك ضرائب ممكن نتقبل فرضها على منتجات استهلاكية ترفيهية مو على السيارات
|
|
الدومري
|
08-10-2011 09:38
|
|
|
شعب مو عرفان الله وين حاطو |
|
بصراحة يعني تعليقاتكم بتدل على جهل كبير رجاء يلي ماعندو معلومات لايناقش هاد طلعلي أنو سوريا بلد نفطي والتاني اسعار المحروقات عنا أغلى من كل الدول المجاوره مع أنو لبنان وتركيا أغلى من سوريا بالمحروقات بكثير وبتركيا أضعاف السعر كمان وبيوصل سعر الليتر المازوت الى 95 ليرة ولبنان 45 ليرة حاجتنا بئا حكي فاضي ويلي ماعندو معلومات يسكت بيكون أحسن وياريت قبل ماتلومو الدوله على فرض الرسوم على السيارات يلي بالنهايه المصاري رايحة على المصلحة العامه تلومو التاجر يلي 35 % من سعر السياره ربح صافي لجيبتو
|
|
محمود
|
05-10-2011 16:36
|
|
|
لا حول ولا قوة الا بالله |
|
يعني كتير مبسوطين بهالدعم نحنا .. ازا المازوت عم ينسرق و الكهربا عم تنسرق بكميات لا انا ولا انت فينا نتخيلا و بعدين بيجو بيركبونا بالدعم ؟؟؟
لولا هالسرقات ما كان في داعي للدعم او تدفع الحكومة من جيبتا .. بس هيك نازلين فينا سفء منية ببلاش
و هاد لسا ما حكينا عن دورنا ( المقاوم ) واللي بسببه ضل قانون الطوارئ أكتر من 65 سنة عم ياكلو حئنا فيه ..
|
|
abolsefa7
|
01-10-2011 10:30
|
|
|
أنا بأيد مو مهم |
|
فعلا نحنا بلد نفطي و المشكلة انه كتير ما بيعرفو هالشي و اللي بيعرف بيعرف بس يا حسرة على النفط اللي راح زمان اذا الأخ محمود متطلع على الميزانيات لازم يعرف انها بتترتب بلعبة كبيرة و اللي ما بيدخل عالميزانيات أضعافها و عمولات بيع النفط أضعاف أضعاف الميزانية و اللي بيقبضو حق النفط روح شوف ميزانياتهم بالشركات الوهمية اللي عم تبيض أموالهم و اللي عم يموت منهم روح اسأل ضرائب نقل الورثة تبعه بسويسرا خلينا ساكتين ولك نحنا اللي منعرف و ساكتين من زمان
|
|
مواطن
|
25-09-2011 21:41
|
|
|
رد على المستر خبير بكل شي |
|
يمكن السيد محمود مو دافع حق السياره من جيبتو مشان هيك شايف أنو السعر مو غالي و بالنسبة لنسبة الناس اللي عندون سيارات ففي كتير ناس متلو مو دافعين حق سياراتون و مشان هيك عندون أكثر من سياره بينما في ناس ما معها تعبي مازوت ( حتى بالبدون) اللي كلفة انتاجه 20 ليره بأحسن الأحوال مو 43 مثل ما قال ( مع انه نحنا بلد نفطي و انتاجنا ممكن يغطي حاجاتنا من المازوت بدون استيراد)
بعدين سعر ليتر البنزين عنا أغلى من أي دوله مجاوره و بهي الحالة نحنا عم الطرف الداعم مو المدعوم مع أنه نحنا ( بلد نفطي )
|
|
مو مهم
|
24-09-2011 15:02
|
|
|
مفكر حالو مثقف 2 |
|
بعدين يا محمود هي كل الشباب عم ترد عليك بنفس كلامي وهن من داخل سوريا ومن خارجها كمان .. بس عذراً منك أنت مطلع على الخطط والاحصائيات ونحنا على العمياني . ولا انت اشتريت سيارة متل ما بتكتب وبدك ما حدا غيرك يشتري سيارة مشان هيك بدك تم الرفاهية والجمارك عالية مشان تشوف حالك على غيرك ومشان ما تخسر بسيارتك .. هههههههههههههه غريب
|
|
ابو اللول
|
18-09-2011 12:25
|
|
|
مفكر حالو مثقف 1 |
|
الاخ محمود مفكر حالو مثقف , حبيبي نحنا معلوماتنا عن الضرايب خارج سوريا ما بنجيبا من روسنا ولا تتزاكى علينا مشان الله عايفين الازكياء , بعدين شو هلارقام الفلكية ان الدولة بتخسر 6 مليار دولار دعم سنوي للمازوت .. لك كل مخزون البلد المالي هو 17 مليار دولار ؟؟!! يعني التلت على المازوت ولك وين الكهربا والتعليم والصحة وووالخ .. العائلة بالسعودية بتدفع فاتورة كهربا شهرياً لا تتجاوز 150 ريال يعني اقل من 2000 ليرة مع تشغيل 3-4 مكيفات وبدون تقنين, نحنا بدون مكيفات ولا دفايات عم تجي 3000-4000ليرة واكتر
|
|
ابو اللول
|
18-09-2011 12:21
|
|
|
طيب سؤال ثاني لمحمود |
|
في دولة بالعالم على حد علمك فيها ضريبة سيارة أعلى من سوريا؟
ولا تبرر هالضريبة العالية بكون موارد الدولة ضعيفة , لأنو هادا الشي معناتو
اذا ضعفت موارد الدولة في الفترة القادمة لا سمح الله فمن حق الحكومة زيادة الضرائب على السيارات لتأمين الموارد الكافية لتلبية الدعم تبعك يا محمود بيك
|
|
سليم
|
18-09-2011 07:37
|
|
|
الى السيد محمود كبير الخبراء |
|
سؤال بالمشرمحي, هل أنت مع أم ضد تخفيض رسوم الجمارك على السيارات؟
|
|
سليم
|
18-09-2011 07:29
|
|
|
|
|
مقارنة عدد سكان سوريا بعدد السيارات خاطئة تماما وليست مقارنة علمية أحصائية لأن تعداد السكان 23 مليون ولكن هناك 8 ملايين تحت سن الثامنة عشر من أطفال وقاصرين أيضا هنالك 3 ملايين مغترب خارج البلاد وأيضا هناك 25 % من الشعب السوري هم عجزة وكبار في السن وأنا عندما قلت ان الغالبية العظمى من العائلات السورية تملك سيارات لاني اطلعت على أحصائيات وزارة النقل . رجاء ياشباب يلي بدو يناقش يناقش مناقشة علمية ويكون عندو معلومات لانو مبين من خلال كلامكن أنكم غير مطلعين على اي معلومات .
|
|
محمود 3
|
17-09-2011 17:58
|
|
|
ياالله من وين بتجيبو هالمعلومات |
|
ياريت ياشباب تكون معلوماتكن صحيحة تقولون أن الكهرباء أغلى من دول الجوار وهذا الكلام غير صحيح ابدا سوريا الكهرباء فيها مدعومة وأرخص من دول الجوار وحتى دول الخليج الغنية بكثير الكيلو واط الواحد يكلف الدولة 5 ل.س تبيعه للمواطن ب75 قرش هذا سعر أول 600 كيلو وعندما يزيد الاستهلاك عن 2000 كيلو يصبح سعر الكيلو واط 4 ل.س يعني ان الدولة تظل خاسرة حتى مع الاستهلاك الكبير .
|
|
محمود 2
|
17-09-2011 17:43
|
|
|
|
|
سيد سامي لا أحد يزاود ولا أحد يكذب اذا انت بتشوف حالك كذاب مو كل الناس كذابة بعدين انا مواطن عادي واشتريت سيارة ودفعت الرسوم متلي متلكن بس انا بعرف الخطة الاقتصادية للدولة التي وضعتها لم تضعها عن عبث وأعرف تفاصيل الموازنة حتى التفاصيل الصغيرة منها كما ان دعم الدولة للمواد الاساسية كبير جدا هل تعلمو أن الدولة تخسر سنويا فقط من دعم المازوت حوالي 280 مليار ليرة سنويا اي مايعادل 6 مليار دولار ولن أتكلم عن باقي الدعم لأن الشرح يطول كثيرا
|
|
محمود 1
|
17-09-2011 17:23
|
|
|
ياريت كل شخص يعرف الاقتصاد السوري |
|
أبو اللول أنا مابمسح جوخ وياريت بلا هالحكي الفاضي انا اشتريت سيارة ودفعت ضريبتا متلي متل أي شخص تاني لكن الفرق بيني وبينك أني على أطلاع بطبيعة الاقتصاد السوري انا استغرب مثلا عندما تقارنو سوريا بفرنسا المتقدمة التي لديها أقتصاد عملاق أو بالدول الخليجية النفطية صحيح انها دول متخلفة ولكن لديها فائض مالي هائل نتيجة انتاجها الضخم للبترول كل بلد الو طبيعتو الخاصة ولو أن دول الخليج لايوجد فيها ثروات نفطية ضخمة لرأيت أسعار السيارات عندهم أغلى من عندنا لندرة الموارد الاخرى أخيرا أقول كل بلد له ظروفه
|
|
محمود
|
17-09-2011 15:04
|
|
|
شكراً أخ/معيد موفد بفرنسا |
|
شكراً أخ/معيد موفد بفرنسا على الايضاح وهذا كلام صحيح 100% وهو ما يجري في الكرة الارضية قاطبةً ولكن يبدوا أننا في سوريا لا نتمي لهذه الكرة كما لا ينتمي السيد محمود الذي طرح الموضوع لنا , ويبدو انه طرح الموضوع لغايات شخصية , يعني حتى على الصفحات الخاصة بالسيارات في مزاودة بالموقف والكلام والنية وهؤلاء هم الفئة التي اضرت بالمجتمع (فئة المزاودين والكذابين) , ومن يريد المزاودة فليجد له مكان أخر بعيداً . فهذا الموقع لمناقشة كل ما يتعلق بالسيارات وليس كمن طرح الموضوع "محمود" عن السكر والشاي والكهرباء.
|
|
سامي
|
13-09-2011 11:18
|
|
|
3 |
|
ومشان دعم المواد يلي حكيت عنه,
أنا برأيي ان الحكومة السورية قبل دعم المواد عليها محاربة احتكار بعض التجار و الحيتان للسوق , أريد أن اعرف لماذا سعر كيلو السكر في فرنسا هو ثلاثة أرباع اليورو و في سوريا أكثر من يورو !!
|
|
معيد موفد بفرنسا
|
12-09-2011 17:41
|
|
|
2 |
|
مثال تاني بفرنسا تكلفة سعر صف السيارة في موقف مدفوع في الشارع لمدة ساعة هو حوالي يورو وهو تقريبا يعادل سعر الموقف المدفوع في دمشق لنفس المدة
بس الفرق ان متوسط الدخل في فرنسا حوالي ثمانية أضعاف متوسط الدخل في سوريا فأين العدل
|
|
معيد موفد بفرنسا
|
12-09-2011 17:39
|
|
|
للسيد محمود |
|
أنا معيد موفد في فرنسا, بحب قول للسيد محمود أن كل دولة يحق لها أن تفرض رسوم على المواد المستوردة لكن بحدود المعقول, لكن هناك اتفاق في الاتحاد الأوربي بأن سقف الضريبة على اي شئ مستورد لا يتجاوز 19 بالمئة , مو متل حكومتنا العظيمة يلي ضريبتها عالسيارات تصل ل100 بالمئة
|
|
معيد موفد في فرنس
|
12-09-2011 17:37
|
|
|
الى السيد محمود |
|
حدا مسلطك علينا شو ما في دول بتدعم المواد غير سوريا؟! واي كهربا مدعومة لك الكهربا عندنا اسعارها نار مقارنة بدول اخرى والسيارات بمصر ارخص من سوريا, شو عم تحكي. يا سيد محمود اذا بدك تمسح جوخ روح شفلك مكان تاني , وبعدين من وين كل بيت عندو سيارة والله كأنك بتحكي عن دول الخليج او اوروبا. شو رح تبكينا على خسارة الدولة على دعم المواد.. الضرايب على كل شي /عدا الهوا/ يغطي الدعم اضعاف مضاعفة ولا هي بتتناساها, وبعدين أنا بدي اشتري سيارة شو دخلن ينشرو جيبتي بالرفاهية والرسوم المبالغ فيها .
|
|
ابو اللول
|
12-09-2011 12:14
|
|
|
|
|
يا جماعة حكي السيد محمود صحيح انو الغالبية من الشعب السوري عندو سيارات .. هو بيقصد انو لكل عيلة سيارة .. وانا ما بظن انو كل عيلة بيلزمها اكتر والا صارت رفاهية عنجد .. ومتل ما بتعرفو انو أغلب العيل عدد افرادها مو اقل من 3 .. بس انتو لو شغلتو عقلكن شوي كنتو حسبتو انو ال 23 مليون شخص في بيناتن على الاقل النص (عمرن تحت 18 يعني ما فيون يسوقو سيارات , و نسوان متجوزة و ازواجن عندن سيارات , و ناس كبيرة بالعمر , وناس ما بيقدرو يسوقو لأسباب صحية أو جسمية , وغيرن وغيراتن)
معي حق ولا شو!!!
اكيد شو ..
هه
|
|
--- ---
|
10-09-2011 21:18
|
|
|
متابعة رد على رد |
|
سعيت لشراء 500لتر مازوت وسجلت بالكازية وانتظرت شهرونصف ولم يأتي لعدم توفره الى ان عبيت بمبلغ 21للتر واذا اتينا معك وحسبنا 90000سيارة سنويا وقرار استيراد السيارات منذ1990 /21سنة الى الآن ضربناهم بتسعين الف الناتج مليون وثمانمائة وتسعون الف سيارة وعدد سكان سورية يفوق 23مليون فاين معظم شعبنا من امتلاكه للسيارات ليش بالاردن سياراتهم ارخص منا وماعندهم ثرواتنا ومستوى دخل الفرد احسن منا وسوريون كثر تركوا بلدنا ويعملون عندهم فالرجاء منك ياسيد محمودباعاده النظر ولو قليلا ودمنالبعضنا شعب واحد
|
|
تامر(ط)
|
06-09-2011 16:06
|
|
|
رد على رد |
|
ياسيد محمود اراك تدافع عن الحكومة اكثر من دفاعك عن المواطن الذي بدوره انتج هذه الحكومة لكل الشعوب حقوق مشروعة بمطالبة حكوماتها برؤى اقتصادية تنفع البلد والشعب الاهل لاحظت في السنوات الخمس الاخيرات زادت نسبة الضرائب كثيرا جدا نحن في بلدنا الحبيب ندفع قيمة تصاعدية على الكهرباء قياسا بمدخول الفرد علما ان معظم الشعب السوري من الطبقة الكادحة والحمدلله عندنا نفط وغاز وثروات باطنية وزراعية والوقود غالي لبنان لاتملك مانملكه وسعر البنزين عندها يعادل ماعندنا وووووقالو المازوت نزل سعره للاسف غير متوفر يتبع
|
|
تامر(ط)
|
06-09-2011 15:55
|
|
|
شي غريب |
|
يعني أنت برأيك الدولة ترفع الدعم عن المواد الاساسية لحياة المواطن وتشيل الجمارك عن السيارات ليش بدي أسألك أنو أهم بالنسبة ألك سعر المواد الاساسية لحياتك اليومية من ( كهرباء - وقود - خبز ) ولأولادك (تعليم مجاني بكل لوازمه ) ولا سعر السيارة يلي بدك تشتريها مرة أو مرتين بحياتك . وأنا بعدني عند كلامي أنو الغالبية العظمى من الشعب السوري يملك سيارات وعندي أحصائيات من وزارة النقل كل يوم يسجل 250 سيارة خاصة جديدة بسوريا حوالي تسعين ألف سيارة سنويا وهذه النسبة مرتفعة جدا حتى في البلاد الغنية
|
|
محمود
|
04-09-2011 08:03
|
|
|
شبكة حديثة من الطرقات |
|
اول شي سعر الريو في السعودية فل الفل 8900دولار بينما عنا الفل الكاملة بحدود900الف ونيف وتعداد السيارات كاملة في قطرنا الحبيب من السياحية والنقل العام والشاحنات بكل فئاتها واشكالها لايتعدون عتبة 3مليون اما عددسكان سورية 23مليون ومن اجل ان نتخلص من معضلة الازدحام يلزم على حكومتنا بالقيام بسلسلة من الطرقات الحيوية والحديثة معقول ياناس انو شبكة الطرق في الامارات كبيييييرة جدا وحديثة /جسور انفاق عبارات وو/ونحن؟ نملك من الاراضي الشاسعة نطالب الحكومة برفع الرفاهية وتخفيض الجمارك ليقتني الفقير سيارةةةة
|
|
تامر(ط)
|
03-09-2011 17:23
|
|
|
الى السيد محمود |
|
أول شي مين قلك انو الغالبية العظمى من الشعب السوري نمتلك سيارات ؟!!
تاني شي المشكلة الأساسية هي اتخاذ الحكومة سياسة اقتصادية تعتبر الضرائب المرتفعة على السيارات مصدر أساسي ومهم بموازنتها ولا يمكن الاستغناء عنه , يعني بالمشرمحي الشعب يدعم ميزانية الحكومة بدفع رسوم تعادل سعر السيارة نفسها بأرباح للدولة تفوق أرباح البلدان المصنعة للسيارات وو بالتالي ما الفائدة للدولة من انشاء معامل تصنيع للسيارات محليا.
ثالثا هل تعلم أن طريقة احتساب الضريبة على السيارة تقوم على فرض ضريبة على الضريبة!!!
|
|
أبو عبدو الدوماني
|
25-08-2011 01:47
|
|
|
والله حيرتونا |
|
حاسس حالي بإجتماع حزبي مو على موقع للسيارات... صارت و صارت رح نحكي... اي والله حيرتونا الاقتصاد عنا اشتراكي او راسمالي او اجتماعي أو شيوعي؟ اذا بدك تحكي عن دعم المواد الاستهلاكية فهاد الكلام صحيح و الدوله تدعم ذلك لكن على حساب كل شيئ آخر (دون الدخول بالتفاصيل) حتى ان بعض الدول الرأسماليه لجأت لدعم بعض المواد الاستهلاكية و الخدمات لكن ليس على حساب رفاهية مواطنيها... الدوله غير مطلوب منها ان ترفه المواطن لكن ان تتركه يحصل على الرفاهية بنفسه. يرحم يلي قال لا بيرحمونا و لا بيخلو رحمة الله تنزل علينا
|
|
أبو أحمد
|
24-08-2011 16:25
|
|